1 Star2 Stars3 Stars4 Stars5 Stars (1 votes, average: 5,00 out of 5)
Загрузка...
66 views

Чөркөөххө — «Сахам тыла барахсан» куонкурус

Олунньу 27 күнүгэр Чөркөөх орто оскуолатыгар улуустааҕы «Сахам тыла барахсан» куонкурус бэрт сэргэхтик ыытылынна. Бу тэрээһини Н. Н. Туласынов аатынан норуот айымньытын дьиэтэ, Чөркөөхтөөҕү модельнай библиотека тэрийдилэр. Куонкурус идеятын ааптара, ыытааччыта — Норуот айымньытын дьиэтин директора П. Ф. Татаринова.

Куонкуруска Даайа Амматын, Ытык-Күөл №1, Тааттатааҕы лиссиэй, Чөркөөх орто оскуолатын үөрэнээччилэрэ, уопсайа 20 оҕо кыттыыны ыллылар. Куонкурус 5 түһүмэҕинэн ыытылынна. Бастакы түһүмэххэ кыттааччылар интервью биэрэн ыйытыыларга хоруйдаатылар, иккискэ — нууччалыы тиэкиһи сахалыы тылбаастаатылар, үһүс түһүмэххэ бэриллибит буукубалартан тыллары таһаардылар, төрдүскэ — сөбүлүүр ойуулуктарын туһунан кэпсээтилэр, бэһис түһүмэххэ «Нуучча ниндзята» күрэхтэһиини көрөн туран сахалыы комментарийдаатылар.

Куонкурус түмүгүнэн 1 миэстэни Кузьмина Сахайаана (Тааттатааҕы лиссиэй 10 кылаас), 2 миэстэни Охотина Эмилия (Тааттатааҕы лиссиэй 10 кылаас), 3 миэстэни Харитонова Рада (Чөркөөх орто оскуолата 10 кылаас) ыллылар. Кыттыбыт оҕолор Хайҕал туоһу суруктары туттулар. Маннык куонкуруһу эһиил өссө кэҥэтэн ыытарга сүбэлэһэн, үөрэн-көтөн тарҕастылар.

Добавить комментарий

Ваш адрес email не будет опубликован. Обязательные поля помечены *