Бүгүн, олунньу 13 күнүгэр – Төрөөбүт тыл, сурук-бичик күнүгэр, олохтоох бибилэтиэкэҕэ «Сахалыы дьыктаан» акцияҕа 11 киһи кэлэн көхтөөхтүк кытынна. Тимофей Сметанин «Саллаат ахтылҕана» кэпсээниттэн быһа тардан суруйдулар. «5» сыанаҕа Елена Филатова, Александра Вырдылина, Мария Никитина суруйан үөртүлэр.
Дьыктаан кэнниттэн сынньана таарыйа хаҥас илиинэн суруйан бэйэни тургутуу буолла. Ордук үчүгэй буочарынан Аграфена Аржакова, Мария Никитина, Анна Егорова суруйдулар.
Бары «Сахалыы дьыктаан» акция кыттыылаахтарыгар туоһу сурук туттарылынна.