Н. Л. Игнатьев-Билгэ бэлиэтииринэн, сааскы кэми сахалар 5 кэрчиккэ араараллар.
1. Бэлиэтээһин. 2. Хаар ууллуута. 3. Саас уһуктуута. 4. Саас үгэнэ. 5. Сайын иннинээҕи кэм.

1. Бэлиэтээһин кэмигэр күн ойдор ойон, ититэр сылааһа күүһүрэн иһэр. Кулун тутар 17 күнүттэн муус устар 20 күнүгэр дылы.
2. Хаар ууллуута — суол алдьаныытыттан, муус чопчу үөскээһиниттэн хаар ууллан бүтүөр диэри кэм. Муус устар 20 күнүттэн ыам ыйын 6 күнүгэр дылы.
3. Саас уһуктуута. Ньургуһун тыллыытыттан хатыҥ сэбирдэҕэ ситиэр диэри, ол аата ыам ыйын 6 күнүттэн ыам ыйын 25 күнүгэр диэри.
4. Саас үгэнэ. Хатыҥ сэбирдэҕэ тыллан ситиэҕиттэн сарбынньах ыарҕа сибэккилэниэр диэри, ыам ыйын 25 күнүттэн бэс ыйын 3 күнүгэр дылы. Кынаттаах бииһин ууһа кэлэн уйа туттар, түүнүн итийэр, үксүн +5 кыраадыстан итэҕэһэ суох буолар. Күөлгэ собо, мунду ыыр кэмэ.
5. Сайын иннинээҕи кэм. Бэс ыйын 3 күнүттэн бэс ыйын 14 күнүгэр диэри, дөлүһүөн сибэккилэниититтэн ыһыллыбыт туораах бурдук сүһүөх анньыар дылы.