1 Star2 Stars3 Stars4 Stars5 Stars (3 votes, average: 5,00 out of 5)
Загрузка...
149 views

П. А. Ойуунускай 130 сылыгар аналлаах тэрээһин, нэһилиэк гимнин сүрэхтэниитэ

Сэтинньи 17 күнүгэр Чөркөөххө Октябрьскай нэһилиэк гимнин сүрэхтэниитэ буолла. Дьоро киэһэ улуу убайбыт Былатыан Ойуунускайга анаммыт «Сүрэхпин норуоппар аныыбын» диэн театрализованнай дьүһүйүүнэн саҕаланна. Чөркөөхтөөҕү народнай театр артыыстара үрдүк таһымнаахтык оонньоон көрөөччүлэр биһирэбиллэрин ыллылар. Бу кэнниттэн олохтоох дьаһалта, улуустааҕы, Чөркөөхтөөҕү норуот айымньыларын дьиэлэрин ааттарыттан наҕараадалар, махтал суруктар туттарыннылар. Олохтоох автордар «Иэйии» түмсүүлэрэ биир дойдулаахтарыгар улуу Ойуунускайга анаабыт хоһооннорун аахтылар, «Умсулҕан» ансаамбыл ырыанан киэһэни киэргэттэ. Дьэ, онтон күүтүүлээх түгэммит тиийэн кэллэ. П. Ойуунускай тылларыгар, Е. Слепцова-Куорсуннаах ырыаҕа тупсаран оҥоруутугар, С. Андреев матыыбыгар «Өрөгөй ырыата» С. Зверев-Кыыл Уолун аатынан Саха народнай оркестрын доҕуһуолунан хор толоруутугар нэһилиэкпит гимнэ сүрэхтэннэ. Олохтоохтор бары сүргэлэрэ көтөҕүллэн, биир сомоҕо буолан астынан тарҕастылар.

Добавить комментарий

Ваш адрес email не будет опубликован. Обязательные поля помечены *