1 Star2 Stars3 Stars4 Stars5 Stars (No Ratings Yet)
Загрузка...
360 views

Олохтоох ааптар М.С. Прохоров бэс ыйын 2 күнүгэр саҥа кинигэтин биһирэмэ буолан ааста.

   

Бэс ыйын 2 күнүгэр П.А.Ойуунускай аатынан Государственность музейыгар
«Саха Өрөспүүбүлүкэтин норуотун сайдыытыгар кылаатын иһин» бэлиэ хаһаайына, Олохтоох ааптар Михаил Степанович Прохоров «Михаил Прохоров хоһоонноро» хоһооннорун хомуурунньугун биһирэмигэр биир дойдулаахтара, үөлээннээхтэрэ, чугастык саныыр атастара, «Иэйии түһүлгэтэ» литературнай түмсүү тоҕуоруһа муһуннулар.
Истиҥ тэрээһини Н.Н.Туласынов аатынан норуот айымньытын дьиэтин үлэһитэ А.М.Обоюкина иилээн-саҕалаан ыытта.
Үөрүүлээх тэрээһиҥҥэ М.С.Прохоров хоһооннорун «Иэйии түһүлгэтэ» литературнай түмсүү, Таисия Новгородова доргуччу иэйиилээхтик аахтылар.
Биир дойдулаахпыт хоһооннноро дириҥ ис хоһоонноох, төрөөбүт дойдутугар, айылҕаҕа, чугас дьонугар таптал, патриотическай тыыннаах бииртэн биир дириҥ ис хоһоонноох, өйдөбүллээх хоһооннору суруйан бар дьонугар хаалларбыта киһини сөхтөрөр, долгутар.
Кинигэ бэчээттэнэн күн сирин көрөрүгэр бииргэ үөрэммит үөлээннээхтэрэ Г.Г.Вырдылин кэргэнинээн В.С.Посельскаялыын, М.И.Полускина, В.Ф.Ефремов бэчээт үлэтиттэн саҕалаан санааларын ууран ис сүрэхтэн долгуйан, кыһаллан үлэлэспиттэригэр уонна
кинигэ тахсарыгар «Октябрьскай нэһилиэк» МТ баһылыга А.П.Семенов көмө, өйөбүл буолбутугар үөрэн туран Михаил Степанович кэргэнэ Тамара Егоровна, эдьиийдэрэ Зинаида Константиновна уонна оҕолоро махтал тылларын эттилэр .
Биир дойдулаахпыт М.С.Прохоров хоһоонноро уостан түспэккэ доргуччу ааҕылла турдуннар, ааҕааччы кэрэхсэбилин ыллыннар, истээччини долгуттуннар.
Бэс ыйын 2 күнэ, 2022 сыл
Чөркөөх.

Добавить комментарий

Ваш адрес email не будет опубликован. Обязательные поля помечены *