Бүгүн, о.э. алтынньы 18 күнүгэр, Аҕам саастаахтар декадаларын түмүктүүр тэрээһин буолла. Нэһилиэк коллекционердара выставкаларын туруордулар. Олохтоох библиотека ретро-викторина ыыппыта дьон сэҥээриитин тарта. Маны таһынан фотозона оҥоһуллан элбэх киһи урукку кэмнэрин санаан хаартыскаҕа түстүлэр. Нэһилиэкпит аҕам саастаахтара сылаас чэйдээх остуол тула олорон ирэ-хоро сэһэргэстилэр, ырыаны-үҥкүүнү да умнубатылар. Астына сынньанан, сэргэхсийэн тэрийээччилэргэ — олохтоох администрацияҕа, социальнай харалта, культура үлэһиттэригэр махталларын биллэрдилэр.