1 Star2 Stars3 Stars4 Stars5 Stars (No Ratings Yet)
Загрузка...
124 views

«Кэриэһим кэннибэр хааларым кэхтибэт кэрэкэ тылларым…»

Ыам ыйын 4 күнүгэр Дьохсобон нэһилиэгэр Алампа аатынан Норуот айымньытын дьиэтигэр олус  үчүгэй саҥа күрэс оонньуу буолан ааста .

Үс ыаллыы олорор нэһилиэктэр Чөркөөх, Дьохсоҕон, Кыйы оскуолаларыттан 7-8 кылаастартан  үстүү   үөрэнээччи Бастакы кустовой оонньууга күрэхтэстилэр.

Бу саҥа солун күрэхтэһиини тэрийэн ыыттылар Алампа аатынан норуот айымньытын дьиэтин үлэһиттэрэ (директор И.С. Жараева, худрук А.В.Константинова, оператор Н.А. Максимова) уонна М. А. Петров аатынан нэһилиэк библиотеката (библиотекарь Г. Н. Другина, тех үлэһит М.Г. Дорбохова ).

Күрэхтэһии интэриэһи тардар Киин ТВ «Поле чудес» оонньуутун быраабылатынан ыытылынна. «Кэриэһим кэннибэр хааларым кэхтибэт кэрэкэ тылларым…» диэн ааттаах П.А.Ойуунускай төрөөбүтэ 130сылыгар Улуу киһибит 4 биллэр айымньыларын төһө билэргэ тургутан көрүү буолла.

Оонньуу түмүгүнэн:

1 раунд «Син биир буолбаат» хоһоон анаммыт киһитин билиигэ кыайыылаах  Дина Барашкова Чөркөөх орто оскуолатын 7 кылааһын үөрэнээччитэ.

 2 раунд ыйытыга “Улуу  Кудаҥса» айымньыттан. Манна кыайыылааҕынан буолла Лилия Чехченнонова Тыараһа орто оскуолатын 7 кылааһын үөрэнээччитэ.

3 раунд ыйытыга «Өрүөл кэриэһэ» хоһооҥҥо,  кыргыһыы буолбут сирин таайан  кыайыылаах Егор Окоемов Тыараһа орто оскуолатын 8 кылааһын үөрэнээччитэ  буолла.

Интеллектуальнай күрэхтэһии бастакы күрэһин, финалистарга уонна Супер оонньууну ыытта Дьохсоҕон нэһилиэгин библиотекара Г. Н. Другина.

П.А.Ойуунускай «Өрүөл кэриэһэ», «Син биир буолбаат» уонна «Ийэм Дьэбдьэкиэй уҥуоҕар» айымньыларыттан тыллары таайыыга турунна. Манна ыйытыктарга эппиэттэри барытын толкуйдаан, билэн Егор Кыайыылаах үрдүк   аатын ылла.

Кыайыылаах Егор Окоемовка улуу убайбыт П.А.Ойуунускай  мөссүөннээх остуолга ууруллар өйдөбүнньүк бэлэх, Добун сурук туттарылынна. Кыттыбыт оҕолор туоһу суруктары уонна өйдөбүнньүк бэлэхтэри тутаннар  бары уопсай хаартыскаҕа түстүлэр. Кинигэ быыстапкатыгар П.А.Ойуунускай кэпсээннэринэн М.А.Петров аатынан библиотека  ааҕааччылара оҥорбут,бэйэ оҥоһуга кинигэлэрин сэҥээрэн көрдүлэр. Көрөөччүлэргэ сынньалаҥ кэмигэр ыытыллыбыт  П.А.Ойуунускай айымньыларыгар викторинаҕа кыттаннар кыайыылаах Чөркөөх оскуолатын 7 кылааһын үөрэнээччитэ  Айтал Гуляев буолла уонна кинигэ бирииһинэн бэлиэтэннэ. Онтон оонньуу устатыгар саамай элбэх, о.э. 41 очкону ылбыт Лилия Чехченнонова кинигэ бэлэх тутта.

Күрэхтэһиини   нэһилиэк көрөөччү оҕолоро киирии билиэккэ Пушкинскай картанан туһаннылар. Бу күн бастакы кустовой интеллектуальнай  күрэс көхтөөхтүк ааста.

Бу уһун сыллаах программа  «Время читать 4Б» диэн ааттаах. 2018с.түөрт нэһилиэк библиотекалара сүбэлэһэн тэрийбиппит, Киин библиотека гл.методиһа У.И.Заболоцкая идеятынан. Бу программа үс интэриэһинэй бырайыактарынан холбоһуктаах үлэлэр ыытылыннылар. Бастакы бырайыакпыт «Сааскы таммахтар» диэн ааттаах улуус айар түмсүүлэрин уонна нэһилиэк библиотекаларын ыҥыраммыт сэргэх тэрээһин Дьохсоҕоҥҥо саҥа кулуупка ааспыта.Иккис тэрээһин пандемия кэмигэр Алампа аатынан норуот айымньытын дьиэтин уонна нэһилиэк библиотекатын идеяларынан  түөрт нэһилиэккэ онлайн күрэхтэһии ыыппыппыт.

Бу ыытыллыбыт тэрээһиҥҥэ Даайа Амма нэһилиэгиттэн суол алдьанан оҕолор кыттыыны ылбатылар.

Инникитин да ааҕааччыны кытта үлэҕэ сэргэх бырайыактар ситиһиилээхтик  ыытылла турдунар.

Добавить комментарий

Ваш адрес email не будет опубликован. Обязательные поля помечены *