Олунньу 13 күнүгэр Судаарыстыбаннас түмэлигэр СӨ суруйааччыларын сойууһун чилиэннэрэ Филатова Е. А., Лукачевскай И. Д. хоһооннорун уус-ураннык ааҕыыга күрэс ыытылынна, 12 улахан киһи, 8 оҕо, IV кылаастан 2 бөлөх кытынна.
Уус-уран ааҕыы күрэһэ истиҥ, сылаас эйгэҕэ ааста, хас биирдии кыттааччы дууһатын ууран ис сүрэҕиттэн ааҕан истээччилэр биһирэбиллэрин ыллылар.
Ааҕыылары суруйар талааннаах дьоммут Решетникова В. Ф. – Талбаана, Филатова Е. А. – Сыгыйык, Лукачевскай И. Д. – Силис сыаналаатылар.
Суруйааччы И. Д. Лукачевскай бибилэтиэкэҕэ кинигэлэрин бэлэх уунна.
Күрэс түмүгэр оҕолорго кыайыылаахтарынан таҕыстылар:
I үрдэл – Арина Яковлева, II кыл.;
II үрдэл – Амелия Жегусова, VI кыл.;
III үрдэл – Санаайа Афанасьева, IV кыл.
Улахан дьоҥҥо кыайыылаахтарынан буоллулар:
I үрдэл – Мотрена Лукачевская, орто оскуола учуутала;
II үрдэл – Сардаана Новгородова, социальнай педагог;
III үрдэл – Христина Харлампьева, «Аленушка» оҕону сайыннарар киин иитээччитэ.

Уус-уран ааҕыы күрэһин түгэннэрэ