Таатта улууһун Норуот айымньытын дьиэтэ , Үөрэҕирии управлениета,
“Октябрьскай нэһилиэк” МТ
Н.Н.Туласынов аатынан Норуот айымньытын дьиэтэ
П.В.Толстяков аатынан Чөркөөхтөөҕү норуот тыйаатыра, модельнай библиотека.

Арассыыйа норуоттарын культурнай нэһилиэстибэлэрин, айар тыл аҕата
А.Е.Кулаковскай – Өксөкүлээх Өлөксөй төрөөбүтэ 145, Саха АССР төрүттэммитэ 100 сылларыгар аналлаах Өрөспүүбүлүкэ үөрэнээчилэригэр ыытыллар Аһаҕас кэтэхтэн “ЭДЭР АКТЕР” театральнай конкурс.

БАЛАҺЫАННЬАТА
Тэрээһин ыытыллар кэмэ:
Кулун тутар 25 күнүттэн муус устар 27 күннэрэ 2022 с.
Конкурс сыала:
— саха суруйааччыларын айымньыларын оҕо аймахха билиһиннэрии, тарҕатыы, үйэтитии
— толоруу маастарыстыбатын үрдэтии
— кинигэни ааҕыыга интэриэһи үрдэтии, сайыннарыы
— саҥа талааннары арыйыы
Конкурска Өрөспүүбүлүкэ уопсай орто үөрэхтээһин оскуолаларын үөрэнээчилэрэ ( театральнай студиялар, куруһуоктар, любительскай коллективтар) кытталлар.
Конкурска кыттыы 3 сүһүөҕүнэн ыытыллар:
1 сүһүөх – 1-4 кылаас үөрэнээччилэрэ
2 сүһүөх – 5-8 кылаас үөрэнээччилэрэ
3 сүһүөх -9-11 кылаас үөрэнээччилэрэ
Конкурс ирдэбиллэрэ:
1. Саха суруйааччыларын айымньыларынан САССР төрүттэммитэ 100 с. ананар бөлөҕүнэн театрализованнай дьүһүйүү ( 10-15 мүн уһаабат )
2. А.Е.Кулаковскай — Өксөкүлээх Өлөксөй хоһоонноруттан талан биирдиилээн толоруу
3. П.А.Ойуунускай “Оҕо куйуурдуу турара” кэпсээниттэн … эбэккээм үтэлээ.. абзацтан монолог ( 10-13 саастаах уолаттар)
Үчүгэй хаачыстыбалаах сытыары уһуллубут видеону маннык аадырыстаах
электроннай почтаҕа ыытаҕыт: dntcherkech@mail.ru
Кыттыы иһин взнос биирдии кыттааччыттан:
хоһоон – 200 солк
монолог – 200 солк
бөлөҕүнэн толоруу хас биирдии кыттааччытыттан -150 солк
Төлөбүр квитанциятын уонна кыттыы сайаапканы маннык номердарга күүтэбит:
Бөлөҕүнэн дьүһүйүү
Координатор: Туйаара Владимировна Яковлева 89244698826
Хоһоон
Координатор: Татьяна Ельфидифоровна Мандарова 89245617090
Монолог
Координатор: Анна Михайловна Обоюкина 89142353713

Уопсай боппуруостарга 89141022221 номерга эрийэҕит
Мотрена Петровна Яковлева

Сайаапкаҕа: толоруллар айымньы аатын, ааптарын, кыттааччы аатын, кылааһын, салайааччы аатын- суолун толору суруйаргыт ирдэнэр

Наҕараадалааһын:
Өрөспүүбүлүкэтээҕи дьүүллүүр сүбэ быһаарыытынан
Гран-при-1 , “Таатта оҕото дьаралыктыйа Былатыан” анал аат -1, хайысхаларынан лауреат 1,2, 3 степеннэрэ, дипломант 1,2,3 степеннэрэ ананаллар
Кыайыылаахтарга кубоктар, бириистэр туттарыллаллар, грамоталар, кыттыы иһин сертификаттар, салайааччыларга махтал суруктар электроннай почтанан ыытыллаллар
Видео устуулары муус устар 20 күнүгэр дылы тутабыт
Түмүк муус устар 27 күнүгэр 2022 с. тахсар

Көхтөөхтүк оҕо — дьоҥҥутун кытыннарыҥ, өрөгөйдөөх күҥҥэ Кыайыы өрөгөйүн өрө тутуҥ!

Тэрийэр бөлөх
кулун тутар 2022 сыл, Чөркөөх Таатта