1 Star2 Stars3 Stars4 Stars5 Stars (2 votes, average: 5,00 out of 5)
Загрузка...
117 views

«Чолбон» өй күрэҕин кыайыылаахтара – Чөркөөхтөр

Саха суругунан уус-уран литературата төрүттэммитэ 125 сылыгар анаммыт II өрөспүүбүлүкэтээҕи «Чолбон өй күрэһэ» оонньууга кыттарга бастаан улууска дистанционнай отборочнай туур олохтоох бибилэтиэкэҕэ ыытыллыбыта. Манна Чөркөөхпүт оонньооччулара Александра Васильевна Вырдылина, Аграфена Николаевна Турнина (Вырдылина), Инара Харитонова – VIII кылаас үөрэнээччитэ бу түһүмэххэ I миэстэни ылан полуфиналга тахсыбыттара.


Полуфинальнай оонньуу тохсунньу 22 күнүгэр Бэчээт дьиэтигэр Өрөспүүбүлүкэтээҕи медиа-кииҥҥэ ыытыллыбыта. Манна Нам, Таатта, Мэҥэ-Хаҥалас, Чурапчы улуустарыттан уонна Дьокуускайтан барыта биэс дьиэ-кэргэн кыттыыны ылбыта. Биһиги хамаандабыт кыл-мүччү финалга ааспыта.



Финальнай оонньуу тохсунньу 24 күнүгэр Дьокуускай куоракка НВК ханаалыгар быһа эфиргэ көһүннэ. Манна өрөспүүбүлүкэ түөрт бастыҥ ааҕар дьиэ-кэргэнэ: Нам Түбэтиттэн Поповтар, Мэҥэ Хаҥалас Чыамайыкытыттан Архиповтар, Дьокуускайтан Кармановтар, Таатта Чөркөөҕүттэн Вырдылиннар күөн көрүстүлэр. Оонньуу иннинэ хамаандалар сэрэбиэйинэн тардан кимнээх ханнык сорудаҕы ылалларын быһаарбыттара. Биһиги хамаандабыт боппуруостарга барытыгар сөптөөх хоруй биэрэн кыайыылаах буолан Таатта улууһа, Чөркөөх саха литературатын биһигэ буоларын өссө төгүл итэҕэтиилээхтик бигэргэттилэр. Александра Васильевнаны, Аграфена Николаевнаны, Инараны – өрөспүүбүлүкэҕэ бастыҥ ааҕааччылары ис сүрэхпититтэн эҕэрдэлиибит, инникитин даҕаны ситиһиилэр, кыайыылар кэлэн истиннэр!

Добавить комментарий

Ваш адрес email не будет опубликован. Обязательные поля помечены *