Алтынньы 29 күнүгэр Чөркөөххө Комсомол 105 сылыгар аналлаах түөлбэлэр икки ардыларыгар квест оонньуу, факеллаах хаамыы ыытылыннылар. 1 миэстэни квест оонньууга «Таатта» түөлбэ ылла, 2 миэстэни — «Илин», 3 миэстэни — «Сардаҥа» түөлбэ ыллылар.

«Таатта» түөлбэттэн коллекционер Керегяев Г. А. выставкатын дьон сэҥээрэн көрдө.

Факеллаах хаамыы Культурнай спортивнай комплекстан Комсомол 100 сылыгар анаммыт стеллаҕа дылы буолла. Манна олохтоох дьаһалта баһылыга Андрей Петрович Семенов, оччотооҕу комсомол сэкиритээрэ, ветеран учуутал Кычкина П. Ф. эҕэрдэлээн тыл эттилэр, баҕа санааларын тиэртилэр. Митинг Комсомол ырыатынан түмүктэннэ.

Тэрээһин түгэннэриттэн хаартыскалары көрөргүтүгэр ыҥырабыт.