1 Star2 Stars3 Stars4 Stars5 Stars (3 votes, average: 5,00 out of 5)
Загрузка...
147 views

Чөркөөххө бэлиэ тэрээһин

Ахсынньы 5 күнүгэр Чөркөөххө «Суон саалынан мохсуо бырахсан, халыҥ хаһанан туос уурунан…» — кыстыкка киирии үөрүүлээх тэрээһинэ ыытылынна. Киэһэ 5 чаастан тэрээһин үөрүүлээх аһыллыытыгар алгыс ылыныы, боҕуруоскай от буруотунан ыраастаныы ыытылынна.

Нэһилиэк баһылыгын Семенов А. П. эҕэрдэтин кэнниттэн тэрилтэлэр икки ардыларыгар күөн күрэс буолла.

Хамаандалары билиһиннэрии кэнниттэн уолаттар мясорубканы хомуйан баран 1 киилэ эти эрийэн, ким түргэн туттуулааҕын быһаардылар. Ол эттэн кыргыттар кэтилиэт оҥорон, ыһаарылаан сырдьыгынаттылар. Онтон хортуоска хастааччылар илин-кэлин түһэн ыраастаан, сууйан баран хортуоскаларын буһара уурдулар. Бүтэһигэр уолаттар туйах тириитин бириэмэҕэ сүлэн күрэхтэстилэр. Түмүгэр 1 миэстэ — участковай балыаһа, 2 — уһуйаан коллектива, 3 — олохтоох дьаһалта коллектива буоллулар.

Олохтоох библиотека «Идэһэлэнии сиэрэ-туома» диэн кинигэҕэ обзор, «Ынаххын төһө билэҕин?» диэн викторина ыытта.

Ийэ олоҥхоһут П. Е. Решетников — Көһөҥө Бүөтүр төрөппүт кыыһа олоҥхоһут Р. П. Докторова «Аһыныгас санаалаах Айыы Дьураҕастай бухатыыр» диэн олоҥхону толорбутун көрөөччүлэр сүрдээҕин сэҥээрэн иһиттилэр.

Норуот тыйаатырын артыыһа Егор Багарытов «Мыччыкаан кэпсээниттэн» бэрт итэҕэтиилээхтик оонньоон көрдөрдө.

Тэрээһин сүүйүүлээх лотереянан түмүктэннэ. Хаһаас ас бириистэри культура үлэһиттэрэ, спонсордар туруордулар. Супер-бириис 1 дьааһык ынах арыыта оонньонно.

Мантан аллара көхтөөх тэрээһин түгэннэрэ

Уһуйаан хамаандата

Олохтоох администрация хамаандата

Участковай балыаһа хамаандата

 

Добавить комментарий

Ваш адрес email не будет опубликован. Обязательные поля помечены *