Алтынньы ыйга бибилэтиэкэҕэ Ийэ нэдиэлэтигэр аналлаах маастар-кылаастар ыытылыннылар. Тэрийээччилэр: норуот айымньытын дьиэтэ, олохтоох бибилэтиэкэ.

Алтынньы 22 күнэ — сабынан баайыыга маастар-кылаас ыытылынна. Спицанан баайыыга худрук Обоюкина А. М. үөрэттэ. Күрүчүөгүнэн «бабушкин квадрат» баайыыга Сабарайкина Р. үөрэттэ. Баайыыга көмө кинигэлэр тустарынан бибилэтиэкэр Бодоготова Т. А. билиһиннэрдэ.

Алтынньы 23 күнэ — «Туһата суохтан туһалааҕы» маастар-кылааһы салайан ыытта Охлопкова С. П. Бибилэтиэкэр бу тиэмэҕэ сөптөөх литератураны кэпсээтэ. Эргэ таҥастартан коврик баайыыта, кэмпиэт суутунан кашпо оҥоһуута буолла.

Алтынньы 24 күнэ — Папперкрафт диэн кумааҕынан оҥоһууга маастар-кылааһы Гуляева А. Ф. ыытта. Бибилэтиэкэр көмө кинигэлэри билиһиннэрбитин кэннэ кумааҕынан ваза, сибэкки оҥоһуута буолла.

Алтынньы 25 күнэ — Ытык-Күөллээҕи киин бибилэтиэкэҕэ улуус бибилэтиэкэрдэрин семинара буолла. Семинарга бырайыак суруйарга консультация, дьыалабыай оонньуу ыытылынна. Үлэҕэ көмөлөөх тифло-испэктээк көрдөрдүлэр. Бибилэтиэкэ үлэтигэр олус туһалаах тэрээһин буолла.

Алтынньы 28 күнэ — Чөркөөхтөөҕү норуот айымньытын дьиэтэ, олохтоох бибилэтиэкэ Чөркөөх орто оскуолатын иһинэн сылы эргиччи үлэлиир «Сардаана» лааҕыр оҕолоругар Олоҥхо сезонун чэрчитинэн «Өбүгэ оонньуулара» диэн остуол оонньууларын (хабылык, хаамыска, тырыыҥка) көрүҥнэригэр дьарык ыытылынна.

Алтынньы 29 күнэ — «Сардаана» лааҕыр оҕолоругар «Олоҥхо омуннаах суолунан» библиоуруок ыытылынна. Бибилэтиэкэр Татьяна Антоновна Ийэ олоҥхоһут Решетников П. Е. — Көһөҥө Бүөтүр оҕолорго аналлаах «Ала чуоҕур аттаах Араап Мохсоҕоллой» олоҥхотун ааҕан билиһиннэрбитин кэннэ норуот тыйаатырын режиссера Яковлева М. П. ыйыытынан-кэрдиитинэн оруолларынан туруоран көрдөрдүлэр. Бүтэһигэр оҕолор, тэрийээччилэр астынан тарҕастылар.

Сэтинньи 2 күнэ — Ийэлэргэ аналлаах тэрээһиҥҥэ бибилэтиэкэ «Ааҕар Чөркөөх» бырайыак чэрчитинэн ийэҕэ аналлаах хоһооннору дорҕоонноохтук ааҕыыны ыытта. Иэйиилээх музыка доҕуһуолунан Сайа, Куорсуннаах, Сыгыйык, Хотууна, Слепцова П. И. хоһооннорун элбэх оҕолоох ийэлэр Жегусова С., Таппырова Р., Аввакумова С., Кулаковская Ф., Портнягина И. бэрт сэргэхтик аахтылар.

Сэтинньи 8 күнэ — Сомоҕолоһуу күнүгэр аналлаах тэрээһиҥҥэ бибилэтиэкэ тест-викторина бэлэмнээн ыытта. Бу тэрээһиҥҥэ олохтоох «Октябрьскай» МТ дьаһалтатын, Чөркөөх орто оскуолатын, балыаһа, оҕо уһуйаанын, музей хамаандалара кыттыыны ыллылар.