Муус устар 9 күнүгэр VIII кылаас үөрэнээччилэригэр «Библиотечнай журфикс» ыыттыбыт.

Викисловарь быһаарыыта: от лат. «jour fixe» — назначенный день; из «jour» — день и «fixe» — определенный.

Эрдэттэн анаммыт күммүтүгэр оҕолор кэлэн Чөркөөхтөөҕү Н. Н. Туласынов аатынан норуот айымньытын дьиэтин директорын Прохоров М. М., специалистарын: уус-уран салайааччын Обоюкина А. М., режиссер Яковлева М. П., художник Сабарайкина Н. М., олохтоох модельнай бибилэтиэкэ үлэһитин: библиотекарь Бодоготова Т. А. кытта көрүстүлэр.

Культура үлэтин ис тутулун, уратытын, бу салааҕа үлэһит буоллахха ханнык ирдэбиллэр туралларын, өрөспүүбүлүкэбитигэр ханнык үөрэх кыһалара бу идэҕэ үөрэтэллэрин биллилэр, интэриэһиргээтилэр.

Практическай чааска кумааҕынан оҥоһук оҥордулар (художник Сабарайкина Н. М.), норуот инструменнарынан оонньоон көрдүлэр (режиссер Яковлева М. П.), библиотечнай карточканан ыйыллыбыт кинигэлэри көрдөөн буллулар (библиотекарь Бодоготова Т. А.), директор Прохоров М. М. идэтинэн оператор, ол үлэтин бэрт интэриэһинэйдик сырдатта.

Муус устар 11 күнүгэр Чөркөөхтөөҕү норуот айымньытын дьиэтэ, олохтоох модельнай бибилэтиэкэ көҕүлээһиннэринэн буойун суруйааччы, суруналыыс, тылбаасчыт Макар Иванович Кузьмин – Макар Хара 110 сылыгар аналлаах «Баҕарабын бары дьолу…» литературнай күрэх ыытылынна.

Күрэх 5 түһүмэҕинэн ыытылынна. Күрэхтэһээччилэр поэт олоҕун, айар үлэтин үөрэтэн, бэлэмнэнэн кэлбиттэр, хоһооннорун уус-ураннык аахтылар. Буойун суруйааччылар айымньыларыттан, Макар Хара «Кыталык» ырыатын түһүмэхтэрин сэҥээрдилэр, блиц-турнирга сытыы киирсиилэри аастылар.

Түмүккэ I миэстэҕэ «Алёнушка» оҕону сайыннарар киин таҕыста.

II миэстэни Чөркөөх орто оскуолатын хамаандата ылла.

III миэстэҕэ Чөркөөхтөөҕү участковай балыаһа хамаандата таҕыста.